有海膽任食!鬧市超高CP值日式放題

2417
0
分享

號外:有海膽任食!! 係邊度搵有新鮮嘅海膽壽司?就要嚟三木啦
平時邊度會有放題有得食海膽,唔講唔知呢度真係有架,食海膽都可以食番夠本!呢度係我去咗咁多間日式放題最中意既一間。已經唔係第一似去架啦,真係「食過返尋味」!
首先講環境:十分舒適,唔會坐得好迫,又唔會趕你走,又唔似淨係想賺錢個啲,會迫晒客人坐得好近,所以確實係鬧市入面嘅好地方。

4b-min

4d-min

之後梗係講嘢食,壽司、刺身全部都好新鮮,而且唔會漏單。你嗌幾多就嚟幾多,當然要係適當份量。嗌多少少就有好靚嘅刺身船,最岩係班friends面前曬下命。

4e-min

海膽壽司必試!甜蝦、三文魚、帆立貝都係一樣咁吸引。我都推介鰻魚壽司。花之戀好特別,正常會有壽司飯係入面,不過呢度嘅花之戀真係成舊都係三文魚片包住咁,所以一啖咬落去好有層次感。

4a-min

4f-min

熟食款類多:天婦羅、一口牛、芝士年糕、甜豉油鍋、鰻魚炒飯一定要試!(好似咩都要試咁)係架!呢度真係cp值好高!一口牛好嫩,呢度爆蔥同牛肉炒得好好食。鰻魚炒飯試過好多地方都會好咸,不過呢度完全無呢個問題,除咗多咗少少油。

4c-min

嘢飲又係任飲。茶類、汽水類都有得揀。涼粉爽都應該要試下。甜品都算幾好,有大約8款甜品揀。試咗朱古力布丁、提拉米蘇、焦糖燉蛋、雪糕(朱古力、柚子、黑芝麻)。當中覺得最好係焦糖燉蛋同埋柚子雪糕。柚子雪糕要試一試,佢有d似係雪芭多過雪糕,所以口感唔同d,不過幾好食的。

4g-min
服務一流,因為服務員都幾多,時不時會幫你換下碟(例如有好多甜蝦殼係你個碟上面)。亦都好殷勤的!
總括而言,呢度係一定一定要帶班friends成家人嚟食!!

 

 

三木日式放題

地址:尖沙咀加拿分道25-31號國際商業信貸銀行大廈15 樓

 

作者Instagram:https://www.instagram.com/tumiefoodie/

留言